Këtë të shtunë, Presidenti i Francës, Emanuel Macron ka zhvilluar një bisedë telefonike me homologun rus, Vladimir Putin. Tensionet në rritje në Ukrainë dhe kërcënimi real për një luftë, ka vendosur në lëvizje krerët e shumë shteteve europiane. Zëdhënësi i Kremlinit, Dmitry Peskov ka konfirmuar për mediat se biseda telefonike ka zgjatur për më shumë se 90 minuta, por nuk ka zbuluar asnjë detaj tjetër.
Por media britanike “The Guardian” ka zbardhur një pjesë të vogël të bisedës mes krerët e dy shteteve. Sipas saj, Presidenti Macron është shprehur se bisedimet apo negociatat e sinqerta, janë të papajtueshme me aktet që ka ndërmarrë Rusia ndaj Ukrainës.
Pas udhëtimit të presidentit francez në Moskë në fillim të kësaj jave, Macron dhe Putin diskutuan mënyrat për të ecur përpara në zbatimin e Marrëveshjeve të Minskut, si dhe kushtet për sigurinë dhe stabilitetin në Evropë.
Discussion about this post