Të paktën dy persona dyshohet se kanë tentuar të grabisin një pikë karburanti në zonën e kthesës së Kamzës, u raportua pasditen e sotme nga mediat.
Sipas raportimeve, autorët janë larguar pa arritur të kryejnë grabitjen. Policia ka shkuar në vendin e ngjarjes, pas raportimeve, gjë që tregohet edhe nga foto e mëposhtme.
Në vijim, Policia e Tiranës ka mohuar ngjarjen.
“Në lidhje me një lajm të publikuar, për një tentativë grabitje të ndodhur para disa minutash, në një karburant në Tiranë, sqarojmë opinionin publik se:
Lajmi i publikuar nuk është i vërtetë.
Drejtoria Vendore e Policisë Tiranë kërkon mirëkuptimin e mediave që para se të publikojnë lajme të kërkojnë informacion pranë DVP Tiranë”, tha Policia.
Discussion about this post