Tentoi ta mbyste teksa flinte, e reja shqiptare shpëton mrekullisht nga ish-bashkëshorti

Një grua shqiptare në Heraklion të Kretës, u zgjua në mënyrën më të keqe pasi gjeti një burrë në dhomën e saj.

Mësohet se 34-vjeçarja, identiteti i të cilës ende nuk bëhet me dije, po flinte në dhomën e saj të gjumit në zonën e Mastabës, kur kuptoi se dikush po e mbyste.

Kur u zgjua gruaja ka kuptuar se bëhej fjalë për ish-bashkëshortin e saj 41-vjeçar, i cili kishte  thyer derën e ballkonit të shtëpisë dhe ishte futur në dhomën e gjumit.

34-vjeçarja ka shpëtuar nga ai dhe menjëherë më pas ka lajmëruar policinë ku dhe 41-vjeçari është arrestuar.