Detaje të reja janë zbardhur lidhur me ngjarjen e ndodhur në Durrës, ku një 44 vjeçar tentoi të abuzonte seksualisht me vajzën e tij të mitur.
Ngjarja ka ndodhur paraditen e së shtunës në lagjen nr.15, ku babai në gjendje të dehur ka tentuar të abuzojë me vajzën e tij 14 vjeçare.
Fillimisht ka ushtruar dhunë fizike dhe psikologjike ndaj nënës së vajës, dhe pasi e ka nxjerrë nga shtëpia ka tentuar qe të kryejë veprime të turpshme me vajzën 13 vjeçare. Vajza ka arritur që të lajmërojë kushërinjtë e saj, të cilët ndodhen në të njëjtën zonë dhe kanë mbërritur në kohë duke parandaluar këtë ngjarje. Më pas është lajmëruar edhe policia, ku janë marrë masat e menjëhershme duke vënë në pranga 44 vjeçarin.
Ai ka mohuar gjithçka, duke deklaruar se nëna dhe e bija kanë bashkëpunuar me njëra-tjetrin për t’u ndarë nga ai pasi nuk e duronin në shtëpi sepse shkonte në gjendje të dehur dhe krijonte konflikte të panevojshme në banesë. Ai ka shtuar se ato kanë ngritur një kurth në drejtim të tij.
Në një njoftim për mediat policia bën me dije se ka rënë në pranga G.C, 44-vjeç.
“Specialistët për Hetimin e Krimeve të Komisariatit të Policisë Durrës arrestuan në flagrancë shtetasin G. C., 44 vjeç, banues në lagjen nr. 15, pasi dyshohet se ka ushtruar dhunë psikologjike ndaj bashkëshortes së tij, si dhe se ka tentuar të kryejë marrëdhënie seksuale me vajzën e tij 14 vjeçe”, thotë policia.
Discussion about this post