Ish shefi i komisariatit në Peqin, Gani Shehu ra sot në pranga me urdhër nga Prokuroria e Posaçme, pasi dyshohet se ka ndihmuar për të nxjerrë nga burgu një emër të njohur në fushën e krimit, Viktor Ymerin.
Viktor Ymeri është konisderuar si një nga njerëzit më të rrezikshëm dhe më të njohurit në fushën e krimit në vend, për shkak të përfshirjes së tij në disa vrasje të bujshme të ndodhura ndër vite. Mes të cilave edhe ajo e Vajdin Lamajt e ndodhur në 2015 dhe e Klodian Spahiut ku janë përfshirë edhe bandat Lulzim Berishës dhe Emiliano Shullazi.
Ymeri i ka shpëtuar disa herë drejtësisë. Në dhjetor të vitit 2019 me vendim nga gjyqtarja Enkeleda Kapedani është liruar.
Prej vitit 1999 e deri në 2019 Ymeri qëndronte në burgun e Lushnjes në Elbasan, pasi ishte dënuar me 25 vite burgim për vrasjen në Durrës të Arben Pajës e Ilir Xhungës, dy miqtë e Lulzim Berishës. Për këto dy vrasje Ymeri është dënuar fillimisht me burgim të përjetshëm, por në tetor të 2018 gjykata e Apelit Durrës, kanë vendosur dënimin e tij me 25 vite burg.
Viktor Ymeri konsiderohej nga policia dhe prokuroria si një nga njerëzit më të afërt të Gazmend Brakës, (Gaxhait) i dënuar me burgim përjetë, pasi së bashku në qershor të vitit 1999, kanë ekzekutuar me dhjetra plumba kallashnikovi Arben Pajën dhe Ilir Xhungën, të cilët ishin pjesë e një fraksioni tjetër kriminal në Durrës.
Discussion about this post