Shtrim i detyrueshëm në spital psikiatrik ka vendosur trupi gjykues për 42-vjeçarin Altjon Sulejmanaj, autori i dyshuar i vënis së zjarrit në banesën e tij dy ditë më parë në lagjen “15 Tetori” në Fier ku shpëtuan fatmirësisht prindërit e tij Shaqir dhe Selside Sulejmanaj, e ëma e paralizuar.
Seanca ka nisur me 30 minuta vonesë dhe trupi gjykues përbëhej nga gjyqtare Miranda Naka dhe avokat kryesisht Ervis Hajdarmataj.
Në sallën e gjyqit, gjatë marrjes në pyetje, 42-vjeçari Sulejmanaj nuk ka pohuar asgjë.
Pasi ka dëgjuar akuzën dhe mbrojtjen, gjyqtarja Miranda Naka ka vendosur masën e shtrimit të detyrueshëm në spital psikiatrik për 42-vjeçarin Altjon Sulejmanaj.
Sipas burimeve policore, në dëshminë e tij para uniformave blu të Fierit, 42- vjeçari, nuk ka shfaqur asnjë shenjë pendese, përkundrazi ka qenë tepër i qetë. Shkaku i zjarrvënies ka qenë sepse i ka kërkuar babait 10 mijë lekë të vjetra, por ai ka refuzuar t’ia japë. Kjo e ka nxehur 42-vjeçarin duke spërkatur shtëpinë me benzinë dhe duke i vënë zjarrin.
Discussion about this post