Tentoi të godasë policët pasi theu xhamat e Komisariatit në Kukës, pranga 37- vjeçarit

Një 37-vjeçar në fshatin Bushat të Kukësit është arrestuar pasditen e kësaj të premteje.

Burime nga policia për gijotina.com bëjnë me dije se bëhet fjalë për të arrestuarin me iniciale J. H.,i cili pasi ka thyer me sende të forta xhamat e Zyrës së Pritjes të Qytetarëve në Komisariatin e Policisë Kukës, gjatë shoqërimit ka kundërshtuar dhe ka tentuar të godasë punonjësit e Policisë.  

 Pritet që  i riu të përballet me akuzën për veprën penale “Shkatërrimi i pronës”, “Kundërshtimi i punonjësit të policisë së rendit publik” dhe “Goditje për shkak të detyrës”.

Ndërsa motivi i këtij incidenti të pazakontë nuk bëhet me dije.