Identifikohet emri i shqiptarit, që mbeti i plagosur gjatë një tentative për të grabitur një bankë në Greqi.
Ngjarja ndodhi në rrugën Palamidi në Colonos. Mësohet se shqiptari i plagosur është Elton Thoma Zoto, 38 vjeç nga Delvina.
Siç raportuan mediat greke, shqiptari u plagos me pistoletë nga një polic.
Mediat tregojnë minutat e ndjekjes mes policëve të ekipit të DI.AS. dhe grabitësit në rrugën Lenorman.
E gjitha kjo është rrëfyer edhe nga një dëshmitar okular, i cili dëgjoi rojet speciale që i thërrisnin autorit të ndalonte.
Sipas tij, efektivët kanë thirrur “stop” dhe menjëherë pas kësaj ka dëgjuar dy të shtëna.
“Polici i thoshte ndalo dhe ai nuk ndaloi. Eci përpara. Nga aty dëgjova dy të shtëna dhe asgjë tjetër. Ai vrapoi, goditi makinën e patrullës dhe u nis drejt Lenormanit.”
“Stop” i kanë bërtitur policët, kanë bërë të gjitha veprimet për ta ndaluar dhe kur në një moment polici ka shkuar ta ndalojë, ka qenë në një distancë të afërt dhe aty kam dëgjuar dy të shtënat”, thotë dëshmitari okular.
https://youtu.be/BvVb08o55-w
Discussion about this post