Nuk do të ketë Slam të Artë për Novak Gjokoviç. Serbi humbi ndaj Alexander Zverev të Gjermanisë 1-6, 3-6, 6-1 në gjysmëfinalet e turneut të tenisit në Olimpiadën e Tokios.
Gjokoviç po përpiqej të bëhej njeriu i parë që fiton të katër turnetë e Grand Slam dhe merr medalje ari në të njëjtin vit. Ai fitoi Australian Open, French Open dhe Wimbledon këtë vit dhe i duheshin edhe titujt Olimpik dhe Open US për të kompletuar koleksionin.
Kundërshtari i Zverev në ndeshjen e medaljes së artë do të jetë Karen Khachanov. Rusi mundi Pablo Carreno Busta të Spanjës me 6-3, 6-3.
Gjokoviç do të luajë me Carreno Busta për medaljen e bronzit. Ai nuk njihte humbje që kur u mposht nga Rafael Nadal në finalen e Italian Open 2 muaj më parë.
Medalja e vetme olimpike e Gjokoviç është bronzi e marrë Lojërat e Pekinit 2008. Megjithatë Gjokoviç ende mund të fitojë një medalje të artë në Lojërat e Tokios në dyshe të përziera.
Gjokoviç do të kthehej në fushë pothuajse menjëherë për të luajtur me partneren serbe Nina Stojanovic në gjysmëfinalet e dysheve të përziera kundër dyshes ruse të Elena Vesnina dhe Aslan Karatsev./Sportzona.al
