Tentoi të kalonte trafikndarësen, makina përplas për vdekje qytetarin në Lushnjë (Emri)

Një aksident me vdekje ka ndodhur pak momente më parë në Lushnjë.

Aksidenti ka ndodhur në Bypass e Lushnjës pranë një mbikalimi që lidh qytetin me pjesën perëndimore.

Mësohet se si pasoje e aksidentit ka ndërruar jetë Avdulla Ferhati, 79 vjeç.

I moshuari është përplasur nga një makinë, teksa po tentonte të kalonte mbi trafikndarësen.

Njoftimi i policisë

Rreth orës 08:20, në aksin rrugor “Lushnjë-Rrogozhinë”, shtetasi H. F., 27 vjeç, duke drejtuar automjetin, ka përplasur këmbësorin, shtetasin A. F., 79 vjeç.

Si pasojë e përplasjes shtetasi A. F., ka ndërruar jetë në vendngjarje.

Drejtuesi i automjetit, shtetasi H. F., u shoqërua në Komisariat për veprime të mëtejshme.

Grupi hetimor ndodhet në vendngjarje dhe po punon për sqarimin e plotë të rrethanave të aksidentit.