Tentoi të kryente vjedhje me armë, pronari i dyqanit e pret me pushkë (Video)

Një burrë i armatosur me pushkë automatike shkoi në një dyqan për të kryer plaçkitje në Riverside County të SHBA-ve.

Aty e priti pronari i lokalit i cili gjithashtu kishte pushkë dhe filloi të qëllonte në drejtim të tij.

“Kjo nuk është hera e parë e tij. Ai e pa përmes kamerave të sigurisë se po vinte dikush me veturë që kishte armë me vete”, tha një grua e identifikuar si Marnie e cila punon në këtë dyqan të 80-vjeçari Craig Cope.

Mediat amerikane raportojnë se i moshuari e kishte qëlluar në kraharor të dyshuarin, i cili megjithatë arriti të largohet nga vendi i ngjarjes.

Madje i dyshuari dëgjohet duke bërtitur derisa u largua: “më qëlloi në kraharor”.

Në anën tjetër policia ka arritur të kap të dyshuarin pak metra larg vendi ku tentoi të kryej plaçkitje.