Tentoi të largohej nga Shqipëria, kapet në Qafë Thanë 38-vjeçari i shpallur në kërkim

Një 38-vjeçar i shpallur në kërkim është ndaluar nga Policia Kufitare teksa tentonte të dilte nga territori i Shqipërisë drejt Maqedonisë së Veriut.

Sipas njoftimit zyrtar, shërbimet e Stacionit të Policisë Kufitare Qafë Thanë lokalizuan dhe ndaluan shtetasin N. L., banues në Librazhd, në dalje të vendit.

Ky shtetas ishte shpallur në kërkim më 20 dhjetor 2025 nga Komisariati i Policisë Fier, për veprën penale “prerja e paligjshme e pyjeve”.

Pas kryerjes së veprimeve procedurale dhe konsultimit me Prokurorin, u vendos që 38-vjeçari të ndihet në gjendje të lirë.