Një i ri është arrestuar nga policia e Durrësit nën akuzën se ka tentuar të përdhunojë një vajzë. Denoncimi që vuri në lëvizje policinë është bërë nga vetë vajza, një 21-vjeçare australiane.
“Specialistët për Hetimin e Krimeve të Komisariatit të Policisë Durrës kanë arrestuar në flagrancë për veprën penale ‘Marrëdhënia seksuale me dhunë më të rritura’, mbetur në tentativë, shtetasin I.B., 18 vjeç, pasi mbrëmjen e djeshme ka kallëzuar një shtetase australiane 21 vjeçe, se ky shtetas ka tentuar të kryejë marrëdhënie seksuale me dhunë me të”, njoftoi policia.
“Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme”, shtuan të njëjtat burime, pa dhënë të tjera detaje rreth rastit.
Discussion about this post