Tentoi të përdhunonte një grua, arrestohet 39-vjeçari

Një 39-vjeçar ka rënë në prangat e policisë së Pukës pasi tentoi të përdhunonte një grua. Sipas njoftimit, është arrestuar personi me iniciale E.U., pasi ka tentuar të kryejë marrëdhënie seksuale me dhunë, me një 43-vjeçare.

“Nga specialistët e Seksionit për Hetimin e Krimit në Komisariatin e Policisë Pukë u bë arrestimi në flagrancë për veprën penale “Marrëdhënie seksuale me dhunë me të rritura” mbetur në tentativë, i shtetasit E. U., 39 vjeç, banues në Pukë, pasi ka tentuar të kryejë marrëdhënie seksuale me dhunë, me një shtetase 43 vjeçe”, njofton policia.

Materialet u referuan në Prokurorinë pranë Gjykatës së Shkallës së Parë Pukë për veprime të mëtejshme.