Gjykata e Durrësit ka dhënë masën e sigurisë “arrest me burg” për 44 vjeçarin Gëzim Çeku që tentoi të përdhunonte vajzën e tij 13 vjeçare.
Pasi ka dëgjuar palët, gjyqtari Markelian Koça ka vendosur të vleftësojë të ligjshëm arrestin dhe të caktojë masën shtrënguese arrest në burg për 44-vjeçarin. Ngjarja ndodhi të shtunën e kaluar në zonën e Spitallës, ku familja ishte vendosur prej pak kohësh dhe jetonte me qira. I arrestuari u denoncua nga bashkëshortja për dhunë verbale, emocionale dhe për tentativë marrëdhëniesh seksuale me të bijën adoleshente, pasi e kishte nxjerrë atë nga banesa.
Pas arrestimit, 44-vjeçari ka mohuar akuzën për akte të turpshme ndaj së bijës dhe ka deklaruar se një akuzë e tillë është një kurth ndaj tij për ta larguar nga shtëpia.
Ndaj të akuzuarit nuk ka pasur më parë denoncime për dhunë në familje.
Discussion about this post