Një shqiptar është arrestuar në aeroportin e Abruzos në Itali për rrëmbim. Sipas Chieti today, burri me kombësi italiane, banues në Martinsicuro, por me origjinë nga Shqipëria, tentoi të hipte në fluturimin Pescara-Tiranë së bashku me vajzën e tij 20-vjeçare dhe familjen. Por mbi 50-vjeçarin kishte një urdhër ndalimi të kërkuar nga e bija, megjithëse duket se ka pranuar të largohet me të atin. Urdhëri për të qëndruar 500 metra larg nga e bija u dha në vitin 2020 për shkak se kishte ushtruar dhunë në familje.
Pavarësisht peripecive familjare, duket se e bija e ksihte tërhequr denoncimin, megjithëse urdhëri i ndalimit ishte ende në fuqi. 50-vjeçari u arrestua nga policët e koordinuar nga nënkomisari Dino Petitti dhe u vendos në arrest shtëpie.
Discussion about this post