Është finaluar me sukses operacion ‘Morina’ nga policia e Kukësit ku në pranga ka rënë një 47-vjeçar ga Tirana i cili po transportonte emigrantë.
Sipas policisë, 47-vjeçari u arrestua në flagranë pranë pikës kufitare të Morinës me disa shtetas të huaj në makinën e tij, të cilët do ti kalonte në mënyrë të jashtëligjshme në Kosovë.
Njoftimi i policisë:
Finalizohet operacioni policor i koduar “Morina”, për goditjen e veprimtarisë kriminale në fushën e “dhënies ndihmë shtetasve për kalim të paligjshëm të kufirit”.
Operacioni i zhvilluar nga DVP Kukës në bashkëpunim me Komisariatin e Policisë Kukës dhe DVKM Kukes.
Vihet në pranga 1 shtetas.
Në zbatim të detyrave të përcaktuara në planin e masave të hartuar nga DVP Kukës dhe DVKM Kukes, për parandalimin dhe goditjen e aktivitetit të paligjshëm të dhënies ndihmë për kalim të paligjshëm të kufijve dhe tranzitimin e tyre në territorin shqiptar, me destinacion vendet e BE-së, specialistët për Hetimin e Trafiqeve të Paligjshme në DVP Kukës në bashkëpunim me Komisariatin e Policisë Kukës, kanë zhvilluar me sukses operacionin policor “Morina”.
Si rezultat i këtij operacioni u arrestua në flagrancë shtetasi A. H., 47 vjeç, banues në Tiranë.
Ky shtetas u arrestua në flagrancë pasi në aksin rrugor Kukës-Morinë, është kapur me automjetin taksi tip “Benz”, duke transportuar shtetas të huaj.
Shtetasi A. H., do ti transportonte shtetasit e huaj që të kalonin kufirin në mënyrë të paligjshme, të drejtim të Kosovës, kundrejt fitimit.
Në cilësinë e provës materiale u sekuestruan automjeti tip “Benz” , 200 euro si dhe një telefon.
Vijojnë hetimet për identifikimin e shtetasve të tjerë të përfshirë në këtë aktivitet kriminal.
Materialet hetimore do ti kalojnë Prokurorisë pranë Gjykatës së Shkallës së Parë Kukës, për veprime të mëtejshme.
