Tentoi të vidhte panel diellor, arrestohet 22 vjeçari

Një 22 vjeçar është arrestuar nga policia në Sarandë pasi ka tentuar të vjedhë panelin diellor tek një banesë.

“Nga specialistët për Hetimin e Krimeve të Komisariatit të Policisë Sarandë u bë ndalimi i shtetasit M. N., 22 vjeç, banues në Finiq, pasi dyshohet se ka tentuar të vjedhi një panel diellor, në banesën e shtetasit K. R., në fshatin Finiq,” njoftoi policia.

Gjithashtu një 36 vjeçar është proceduar penalisht pasi ka hedhur inerte në një tokë publike pranë liqenit të Butrintit.

“Po nga specialistët për Hetimin e Krimeve të Komisariatit të Policisë Sarandë u referuan materialet në Prokurori dhe nisi procedimi në gjendje të lirë për shtetasin L. P., 36 vjeç, pasi dyshohet se ka hedhur mbetje inerte, në tokë publike, në anë të liqenit të Butrintit,” njoftoi policia.

Materialet i kaluan Prokurorisë, për veprime të mëtejshme.