Një grua nga Kosova, në fillim të muajit prillit të vitit 2018, kishte tentuar të helmonte burrin e saj. Pasi kjo nuk funksionoi, ajo pati provuar ta mbyste atë me një kabllo.
Ndërkaq Gjykata e Lartë (Kantonale) e Kantonit të Cyrihut e ka shpallur të martën fajtore 55-vjeçaren për tentim të vrasjes së bashkëshortit të saj dhe për vepra të tjera.
Gjykata ka vendosur dënim me burg prej 14 vjetësh, një dënim me kusht me para prej 130 njësish ditore prej 10 CHF dhe një gjobë prej 1000 CHF. Gjithashtu Gjykata vendosi edhe dëbimin 12-vjeçar nga Zvicra, të gruas së shpallur fajtore.
Gjykata e Lartë ka dënuar edhe bashkëshortin 50-vjeçar me pesë muaj burg, për mashtrim, shkruan sda.ch, pasi në të dhënat për zyrën e mirëqenies sociale ai nuk kishte deklaruar pasurinë e paluajtshme që kishte në Kosovë.
Fillimisht gruaja u shpreh se e kishte bërë për vetëmbrojtje pasi ai kishte tentuar ta përdhunonte. Megjithatë, ai u lirua nga akuzat kryesore për përdhunim dhe sulm seksual sepse Gjykatës i mungonin prova të mjaftueshme për ta dënuar atë.
Discussion about this post