Fatjon Vishka, 27- vjeçari i shumëkërkuar për atentatin ndaj dy dibranëve në 2018, është arrestuar dhe ekstraduar sot nga Franca në vendin tonë.
Vishka ishte shpallur në kërkim ndërkombëtar dhe do të përballet me disa akuza të rënda të vendosura nga Gjykata e Shkallës së Parë Dibër, për atentatin ndaj dy të rinjve.
Në maj të vitit 2018, në qytetin e Peshkopisë Fatjon Vishka në bashkëpunim me vëllanë e tij, ka qëlluar me armë zjarri automatik në drejtim të automjetit me të cilin udhëtonin Altin Mazari dhe A. A. Si pasojë e të shtënave ka mbetur i plagosur rëndë Mazari.
Fatjon Vishka tashmë i ekstraduar në vendin tonë, do të përballet me akuzën për veprat penale veprat penale ‘’Vrasja me paramendim”, mbetur në tentativë, kryer në bashkëpunim, dhe “Mbajtja pa leje dhe prodhimi i armëve, armëve shpërthyese dhe i municionit”.
Discussion about this post