Një 39-vjeçar shqiptar është arrestuar në Greqi me qëllim ekstradimin në Shqipëri.
Shqiptari me dy idenitete, Deni (Denis) Mecolli ishte shpallur në kërkim ndërkombëtar pasi Gjykata e Shkallës së Parë e Juridiksionit të Përgjithshëm Korçë, me vendimin e datës 09.02.2025, i ka caktuar masën e sigurisë “Arrest në burg”, për veprën penale “Vrasja me dashje”, mbetur në tentativë.
Ai akuzohet se më datë 04.02.2025, në qytetin e Korçës, ka tentuar të vrasë 40 vjeçarin Ergys Shtylla duke e goditur me thikë.
“Si rezultat i bashkëpunimit të strukturave të Policisë së Shtetit me homologët në Greqi, në kuadër të operacionit të koduar “The Wanted”, për sigurimin dhe shkëmbimin e informacionit mbi vendndodhjen e shtetasve në kërkim ndërkombëtar, u mundësua lokalizimi në Greqi, kapja dhe arrestimi me qëllim ekstradimin në Shqipëri, i shtetasit: D. M. alias D. M., 39 vjeç.
Discussion about this post