Ervin Selita, 30-vjeçari i arrestuar nga policia pasi akuzohet se ka tentuar të vrasë me armë zjarri një pronar hoteli në Tiranë, është reperi i njohur si “Vinz” pjesë e grupit Hellbanianz.
Hellbanianz është grupi muzikor që e ka zhvilluar aktivitetin mes Londrës dhe Tiranës, anëtarët e së cilës kanë qenë shumë herë në fokus të investigimeve të mediave britanike për jetën e shtrenjtë me makinat luksoze, si rezultat i përfshirjes në aktivitete kriminale.
Selita, me origjinë nga Burreli është një nga protagonistët e grupit Hellbanianz. Disa prej këngëve të këtij grupi, të konsideruar si ‘gangsterët e Londrës’ i dedikohen anëtarëve të grupit tashmë të burgosur për krime të ndryshme.
30-vjeçari tentoi të vriste një nga pronarët e hotelit, Zeni Xhindi, pasi Selita fillimisht u konfliktua me recepsionistin e hotelit se nuk e la të hynte në hotel me vajzën që e shoqëronte pa i dhënë kartën e identitetit dhe konflikti vijoi më pas me një nga pronarët e hotelit.
Policia ka shpallur në kërkim gjithashtu Xhuliano Selitën dhe Erjon Micin, shokët e Ervin Selitës që i erdhën në ndihmë gjatë konfliktit dhe më pas fshehën armën me të cilën ky qëlloi për të varë pronarin e hotelit.
Discussion about this post