Tentoi t’i vërë flakën Prokurorisë, arrestohet 60-vjeçari shqiptar

Një ngjarje jo e zakontë është regjistruar në Itali.

Një 60-vjeçar shqiptar ka tentuar t’i vërë zjarrin Prokurorisë në Monza. Ngjarja është regjistruar mëngjesin e kësaj të mërkure, rreth orës 07:00.

Burri ka spërkatur me rreth 5 litra benzinë tokën dhe ka tentuar t’i vendosë zjarrin. Sapo kjo ngjarje është diktuar nga roja, ai ka vënë alarmin. Ndërhyrja nga ana e policisë ka qenë e menjëhershme, të cilët kanë bërë të mundur edhe arrestimin e 60-vjeçarit.

Mediat italiane raportojnë se burri kërkonte drejtësi për një çështje civile, të lidhur me vendin e tij të punës.

Pikërisht në hyrje të objektit të Prokurorisë Publike, Policia ndaloi një burrë, i cili pasi kishte spërkatur me disa litra benzinë, ishte duke ndezur një shkrepëse.

Burri, një 60-vjeçar shqiptar është dërguar në komisariat. Në vendngjarje janë agjentët e Skuadrës Fluturuese, Digos, Policia Shkencore po kryejnë hetime.