Bledar Selmanaj, autor i dyshuar për vrasjen e 25-vjeçarit Xhuljan Bullari në Vlorë ka tentuar vetëvrasjen.
Mësohet se Selmanaj e ka ndërmarrë aktin ekstrem rreth orës 19.00 në ambientet e burgut të Peqinit.
U desh ndërhyrja në kohë e administratës së burgut që i shpëtoi jetën të Selmanajt, që ndodhet në masën “arrest me burg”.
Kujtojmë që Bledar Selmanaj dyshohet si ekzekutori i 25-vjeçarit Xhuljan Bullari në Vlorë. Emri i Bledar Selmanajt është mjaft i njohur edhe për Policinë e Vlorës, pasi ai ka rezultuar të jetë pjesë e një grupi grabitësish me origjinë të gjithë nga qyteti bregdetar.
