Dy shqiptarë, babë e bir, janë arrestuar nga policia italiane, pasi dyshohet se kanë tentuar të djegin një të moshuar.
Të paktën kjo thuhet në denoncimin që e moshuara ka bërë në polici, para se karabinierët të arrestojnë shqiptarët 64 dhe 37 vjeç, babë e bir.
Sipas mediave italiane, shqiptarët jetonin në shtëpinë e të moshuarës prej disa vitesh dhe kanë debatuar me të.
Kur të gjithë të afërmit e tjerë në shtëpi kishin fjetur, babë e bir, kanë hyrë në dhomën e gjumit të gruas me një bidon me benzinë, duke synuar t’i vinin flakën. Sapo ndjeu aromën e benzinës, gruaja ka bërtitur dhe ka dalë jashtë, duke i shpëtuar kështu sulmit.
Shqiptarët po përballen me akuzat për dhunë, keqtrajtim familjar dhe përndjekje.
Gruaja, e cila pas një tjetër debati i kishte kërkuar dy të afërmve të largoheshin nga shtëpia, pasi kuptoi praninë e tyre në dhomë dhe erën e benzinës, filloi të bërtiste dhe më pas arriti të çlirohej dhe arriti të dalë jashtë shtëpisë, duke shmangur kështu tentativën për sulm.
Ende e tronditur, e moshuara ka kërkuar ndihmë nga familjarët e saj dhe më pas ka lajmëruar policinë.
Karabinierët mbërritën në shtëpi dhe pas procedurave rituale arrestuan në flagrancë dy shqiptarët. Pasi autoritetet gjyqësore u morën në dijeni të fakteve, dyert e burgut Borgo San Nicola në Leçe u hapën për babë e bir.
Megjithatë, hetimi vazhdon dhe në orët në vijim do të mund të merren në pyetje edhe dy të arrestuarit për të dhënë versionin e tyre të ngjarjes.
Discussion about this post