Gjashtë të mitur janë proceduar penalisht nga policia e Beratit për shkak se kanë shkatërruar ambientet e një kopshti me qëllim vjedhjen e sendeve të tij.
Mësohet se, ata u kapën në flagrancë nga punonjësit e policisë, ndërsa për shkak të moshës së mitur 14 dhe 15 vjeç, ata nuk janë arrestuar nga policia.
“Gjithashtu po nga specialistët e Seksionit për Krimet u proceduan penalisht 6 shtetas të mitur, të moshave 14 dhe 15 vjeç, të gjithë banues në Berat, pasi u kapën në flagrancë nga shërbimet e policisë duke shkatërruar ambientet e një kopshti me qëllim vjedhjen e sendeve të tij”, njofton policia.
Materialet u referuan në Prokurorinë e Rrethit Gjyqësor Berat për veprime të mëtejshme.
Discussion about this post