Policia e Durrësit ka arrestuar tre qytetarë të huaj për falsifikim të vizave turistike. Në pranga janë vënë gjermani A. H., për veprat penale “Dhënie ndihme për kalim të paligjshëm të kufirit” dhe “Falsifikimi i letërnjoftimeve, pasaportave apo i vizave”.
Gjithashtu është arrestuar A. A., 58 vjeç, nga Palestina, M. H., 33 vjeç, dhe M. K., 46 vjeç, nga Siria për veprën penale “Falsifikimi i letërnjoftimeve, pasaportave apo i vizave”.
Gjithashtu u procedua penalisht R. F., 37 vjeçe, për veprën penale “Falsifikimi i letërnjoftimeve, pasaportave apo i vizave”.
Këta persona kanë tentuar të kalojnë kufirin duke përdorur viza turistike gjermane të dyshuara të falsifikuara, me anë të ndihmës së A. H., në Pikën e Kalimit Kufitar Porti i Durrësit, në dalje të territorit të Republikës së Shqipërisë.
Materialet i kaluan Prokurorisë së Rrethit Gjyqësor Durrës, për veprime të mëtejshme.
