Tre persona kanë rënë në prangat e policisë kufitare të Rinasit, pasi po tentonin të kalonin kufirin me dokumente të falsifikuara.
Sipas njoftimit, policia ka kaluar për kontroll të imtësishëm në vijën e dytë, P. C., 25 vjeç, A. K., 19 vjeç dhe E. H., 22 vjeç të cilët do të udhëtonin me linjën ajrore, me destinacion Bolonjën.
Gjatë kontrollit të ushtruar ndaj tyre, policia gjeti dhe sekuestroi tre letërnjoftime italiane, tre patenta italiane si dhe tre dokumente shëndetësore italiane, të dyshuara si të falsifikuara.
Të tre të rinjtë janë arrestuar dhe akuzohen për “Falsifikime të letërnjoftimeve, të pasaportave ose të vizave” dhe “Falsifikimi i dokumenteve”, të kryera në bashkëpunim.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
