Policia e Vlorës ka vënë në pranga 1 person dhe ka shpallur në kërkim një tjetër, pasi akuzohen për transport të paligjshëm të emigrantëve. Bëhet fjalë për të arrestuarin e identifikuar me iniciale S. P., 22 vjeç. Ndërsa policia ka shpallur në kërkim personin e identifikuar me iniciale A. J., 23 vjeç, banues të dy në Lezhë.
Policia jep detaje se i riu me S.P është kapur në vendin e quajtur “Ura e Orikumit”, duke transportuar me automjetin tip “Ford”, 2 emigrantë të paligjshëm, të cilëve në bashkëpunim dhe me A. J., iu kishte premtuar kalimin drejt vendeve të BE-së, kundrejt pagesës.
Pritet që të dy personat në fjalë të përballen me akuzën për veprën penale “Dhënia ndihmë për kalim të paligjshëm të kufirit”, kryer në bashkëpunim. Ndërsa, materialet iu referuan Prokurorisë së Rrethit Gjyqësor Vlorë.
