Gjatë ditëve të fundit, Policia rrugore e Tiranës ka konstatuar në shkelje pesë drejtues automjetesh. Këta të fundit, kanë tentuar të korruptojnë punonjësit e Policisë Rrugore duke ju ofruar para. Sakaq bëhet fjalë për shtetasit me inicialet B. K., L. Z., P. I., K. G., dhe E. Sh.
“Lufta kundër këtij fenomeni të turpshëm do të intensifikohet, qoftë ndaj shkelësve, qoftë ndaj atyre që kryejnë korrupsionin pasiv, punonjësve të policisë.
Respektimi i ligjit dhe integriteti, janë elemente thelbësore për një shoqëri! Policia Rrugore apelon për respektimin e rregullave dhe fton qytetarët të denoncojnë shkeljet në 112”, njofton policia.
Discussion about this post