Prokuroria e Posaçme ka mbyllur hetimet dhe ka marrë të pandehur Gentian Goskovën, i njohur si “Reqi” i Korçës dhe Ervis Kosovën. Këta dy persona u vunë nën hetim nga SPAK pasi tentuan të korruptonin dhe manipulonin dëshmitarin e prokurorisë, Luftar Reçin.
Ky i fundit ka dëshmuar kundër Lulzim Berishës, Emiljano Shullazit, Plaurent Dervishit, Viktor Imerit, Indrit Taullaut dhe Indrit Rusit, si autorë të përfshirë në vrasjen e biznesmenit Vajdin Lamaj dhe Klodian Salit, ngjarje këto të ndodhura në shkurt të vitit 2005.
Mes të pandehurve për të cilët SPAK i kërkon gjykatës të dënohen, është edhe vetë Luftar Reçi, i njohur si bashkëpunëtori drejtësisë i cili me rrëfimet e tij ka zbardhur disa krime të bëra nga grupi kriminal. Viktor Bajraktari, Emiljano Shullazi, Indrit Taulla, akuzohen se kanë kryer vrasje në rrethana të tjera cilësuese, kundër dy ose me shumë personave, të kryer në bashkëpunim në formën e grupit të strukturuar kriminal.
Ndërsa të shpallurit në kërkim Lulzim Berisha dhe Plaurent Dervishaj akuzohen për vrasje me paramendim, vrasje me dashje të mbetur në tentativë, mbajtje dhe prodhim armësh shpërthyese dhe municioni pa leje, kryer në bashkëpunim në formën e grupit të strukturuar kriminal. Kujtojmë se SPAK ka përfunduar dhe ka kaluar për gjykim dosjen duke marrë të pandehur personat e lartpërmendur.
Discussion about this post