Gjashtë persona janë arrestuar pas një operacioni policor të shtirë në tre qarqe; Kukës, Durrës dhe Dibër. Sipas policisë, të arrestuarit tentuan të trafikonin armë zjarri dhe municion luftarak drejt Kosovës.
Mësohet se, në bashkëpunim me Prokurorinë pranë Gjykatës së Rrethit Gjyqësor Kukës, u arrestuan në flagrancë shtetasit, Rrahman Skuka, Bajram Shiti, Bukurosh Neziri, Ulvi Huna, Hysni Hani dhe Kujtim Bajramaj.
Policia njofton se vijojnë hetimet për identifikimin dhe vënien para përgjegjësisë ligjore të personave të tjerë të implikuar në veprimtarinë kriminale të trafikimit të armëve të zjarrit drejt Kosovës. Materialet i kaluan Prokurorisë pranë Gjykatës së Shkallës së Parë Kukës, për veprime të mëtejshme.
Discussion about this post