Policia ka zbardhur të plotë skemën se si maskoheshin dhe vepronin grabitësit që gërmuan 20 ditë tunelin për të vjedhur bankën në Tiranë. Ndërkohë, tashmë janë zbuluar dhe detaje të reja, të cilat mund të çojnë në identifikimin e autorëve.
Bëhet me dije se, në fund të tunelit janë gjetur shenja gishtash që iu përkasin grabitësve. Gjurmët po ekzaminohen tashmë nga grupi hetimor. Gjithashtu janë marrë dhe po hetohen kamerat e sigurisë së bizneseve pranë në zonën e Bulevardit “Zogu I”, që mund të çojnë në identifikimin e autorëve.
Të dhënat tregojnë se, grupi i grabitësve kanë qenë në fazën e fundit të punimeve. Ata kishin rreth 20 ditë që punonin dhe kishin mundur të çanin murin që do t’i çonte më pas në bankë, ku edhe kishin planifikuar grabitjen. Plani i tyre ka qenë i mirëorganizuar, skenar ky i ngjashëm me atë të filmave.
Discussion about this post