Tre persona janë shpallur në kërkim nga policia Vlorë, pasi mbrëmjen e djeshme kanë tentuar të vrasin me armë zjarri një person.
Mësohet se shtetasit e shpallur në kërkim janë Ermal Haxhiraj alias Bashkim Brahimaj, Neritan Xhaferaj dhe Ermal Osmenaj, pasi kanë tentuar të vrasin në ambientet e një lokali shtetasin Tonin Hosaj.
Bëhet me dije se ‘shënjestra’ ka mbetur i plagosur, ku ende nuk dihen detajet e plota mbi ngjarjen.
Njoftimi i policisë:
Vlorë/Zbardhet ngjarja e ndodhur ditën e djeshme, në ambientet e një lokali në qytet, ku për motive të dobëta, u tentua të vritet me armë zjarri shtetasi Tonin Ramaj (Hosaj), i cili mbeti i plagosur.
Vijon puna për kapjen e shtetasve Ermal Haxhiraj alias Bashkim Brahimaj, Neritan Xhaferaj dhe Ermal Osmenaj, të cilët nga veprimet e shpejta hetimore, u identifikuan si bashkëpunëtorë të dyshuar për këtë tentativë për vrasje.
Procedohet penalisht administratori i lokalit shtetasi Katrin Limaj, ku ndodhi ngjarja, pasi u konstatua se në këtë ambient organizoheshin lojëra fati, në kundërshtim me ligjin. Sekuestrohen sende që i shërbenin organizimit të këtyre lojërave.
Discussion about this post