Prokuroria e Fierit ka përfunduar hetimet paraprake dhe ka dërguar dosjen për gjykim për ngjarjen e regjistruar më 30 Korrik 2023, në lagjen “Sheq i madh” në Fier, ku pas një konflikti të çastit për motive të dobëta, Enea (Ledion ) Nebiu dhe Klenis Kazazaj tentuan të vrisnin me armë zjarri Orges Buzin, i cili mbeti i plagosur.
Enea (Ledion ) Nebiu dhe Klenis Kazazaj janë marrë të pandehur nga Prokuroria e Fierit për veprat penale “Vrasja me dashje” mbetur në tentativë ndaj Orges Buzit, “Mbajtja pa leje dhe prodhimi i armëve, armëve shpërthyese dhe i municiionit” dhe “Moskallëzimi i krimit”
“Pas kryerjes së veprime hetimore të plota u provua se, më datë 30.07.2023, rreth orës 04.00, viktima Orges Buzi ka qenë ulur në lokalin e kompleksit “Albes” në shoqërinë e personave të tjerë dhe aty janë afruar me automjetin Audi A8 me ngjyrë të zezë edhe të pandehurit Enea (Ledion ) Nebiu dhe Klenis Kazazaj, ku ndërmjet tyre ka pasur një debat banal dhe më pas të pandehurit Enea (Ledion ) Nebiu dhe Klenis Kazazaj janë larguar me automjetin e tyre.
Më pas, rreth orës 05.30, rezulton se të pandehurit janë kthyer sërish në lokalin e kompleksit “Albes” dhe janë konfliktuar me fjalë me viktimën, dhe pasi i pandehuri Enea (Ledion ) Nebiu është futur në automjetin e tij, nga brenda automjetit të tij ka qëlluar me armë zjarri në drejtim të shtetasit Orges Buzi, i cili ka mbetur i plagosur rëndë. Në automjetin e shtetasit Enea (Ledion ) Nebiu ka qenë si pasagjer shtetasi Klenis Kazazaj. Pas ndodhjes së ngjarjes të dy personat janë larguar.” – thuhet në njoftimin e Prokurorisë.
Discussion about this post