Dy shqiptarë që po transportonin lëndë narkotike drejt Greqisë janë arrestuar nga policia.
Ndalimi i tyre u bë në kufirin greko-shqiptar ku gjatë kontrollit në automjetin me të cilin udhëtonin, u zbulua marijuana. Sasia prej 43 kg ishte e vendosur në dy çanta. Droga e kapur ishte e ndarë në 41 pako dhe kishte si destinacion shtetin helen.
Operacioni u ndërmor nga policia greke në Kostur, ku u bë dhe arrestimi i shqiptarëve. Ata janë konkretisht të moshave 28 dhe 33 vjeç.
Raportohet gjithashtu se janë sekuestruar 2 celularë dhe 3 karta sim.
Në lidhje me këtë operacion dyshohet se ka pasur një informacion i cili ka qarkulluar tek policia greke.
