“Të ndaloj së luajturi? Nuk jemi ende në këtë fazë”. Fjalë dhe muzikë për veten dhe të gjithë fansat e tij nga Zlatan Ibrahimovic, i cili foli gjerësisht për veten dhe, natyrisht, për të ardhmen e tij në një intervistë për CNN. “Kam një pasion të madh për lojën time. Tani kam një situatë tjetër me moshën time dhe me shokët e skuadrës, por kënaqem çdo ditë, sepse mendoj se kur të ndaloj së luajturi futboll, nuk do të më mungojë aq shumë sa nuk do të kem asnjë pishman”.
Po çfarë do të ndodhë me të pasi të merret vendimi “fatal”. “Dua të jem i shëndetshëm dhe, për sa kohë që jam në atë nivel, do të vazhdoj të luaj për të parë se sa larg mund të shkoj. Për sa kohë që mund të jap rezultate, do të vazhdoj të luaj. Ditën që ngadalësoj shpejtësinë, dua që njerëzit përreth meje të jenë të sinqertë dhe të thonë se duhet të ndalosh.
Pastaj do të jem realist. Po përpiqem të qëndroj në nivelin e këtyre të rinjve duke punuar shumë. Unë e kam këtë shtysë, dua të përmirësohem çdo ditë. Nëse nuk punoj mjaftueshëm, nuk ndihem mirë. Ky është mentaliteti im. Ky ritëm e regjim sportiv ju çon larg, ju çon në një nivel ku sfidoni trupin tuaj, sepse ka të bëjë me sfidimin e vetes.
Lëndimi? E zbrazja gjurin një herë në javë për gjashtë muaj. Ilaçe kundër dhimbjeve çdo ditë për gjashtë muaj. Mezi fjeta për gjashtë muaj nga dhimbjet. Asnjëherë nuk kam vuajtur kaq shumë brenda dhe jashtë fushës”.
Discussion about this post