Mazhoranca është tërhequr dhe ja vendosur që të kalojë për diskutim propozimet e Partisë Demokratike për ndryshimet Kushtetuese. Gjatë fjalës së tij në Parlament sot, kryetari i grupit parlamentar të PS, Taulant Balla, tha se mazhoranca do t’i kushtojë kohën nevojshme për diskutim çështjeve të propozuara nga Basha. “Të gjithë e dimë që është në praktikën parlamentare që me fillimin e një sesioni të ri parlamentar, kuvendi ngre edhe një komision të posaçëm të reformës zgjedhore. Nga ana e Ramës është bërë e ditur oferta jonë për tu ulur pa asnjë kusht dhe paragjykim. Qoftë për reformën zgjedhore, qoftë për çështje të tjera që duhet ti adresojmë”, tha ai.
Sipas Ballës, ato janë 100% kushtetuese, ndërsa bën apel që të ulen dhe të diskutojnë pa asnjë paragjykim apo kusht.
“Për 25 prillin e 2025 ne do kemi kohën e mjaftueshëm për ta adresuar këtë çështje dhe që shqiptarët kudo qofshin të kenë mundësinë të marrin pjesë në vendimmarrje. Kështu që në këtë aspekt unë nuk do të hyj në përgjigjen e propozimeve tuaja për ndryshimet kushtetuese. Ju keni propozuar një sërë çështjet, e mirëpresim 100%, është një e drejtë që buron nga kushtetuta, janë 28 firma deputetësh që e vënë kuvendin në punë”, u shpreh Balla.
Ndërsa, kujtojmë se një nga propozimet e PD përfshinë edhe reduktimin e mandatit të kryeministrit, si dhe ndryshime në reformën zgjedhore dhe atë territoriale. Nuk dihet sa do të pranohen këto propozime, por hapi i parë është që PS premtoi se do të ulen për diskutime.
