Migjen Basha ka vendosur që t’i japë fund karrierës si futbollist. Mesfushori që ka luajtur me Kombëtaren ‘Kuqezi’ e ka lajmëruar këtë vendim të papritur përmes një postimi në rrjetet sociale.
Lojtari i lindur dhe formuar në Zvicër shkruan se ardhur momenti që të ndryshojë faqe, ndërsa falënderon të gjithë ata që e kanë shoqëruar në rrugëtimin e futbollit.
“Erdhi momenti të kthesh faqe…
Munda të jetoja ëndrrën time të fëmijërisë falë pasionit që më shoqëroi gjatë gjithë këtij udhëtimi që nisi në Zvicër dhe më çoi në Itali, Greqi, Australi dhe përsëri në sheshin e parë. Gjatë rrugës, me shumë dashuri dhe krenari mbrojta edhe ngjyrat e vendit tim.
Dua të falënderoj këtu të gjithë ata njerëz që më pritën me krahë të hapur dhe më ndihmuan që të ndihem rehat.
Inkurajimi nga familja ime, miqtë, mbështetësit, bashkëlojtarët, anëtarët e stafit dhe madje edhe kundërshtarët! Të gjithë ata disi më dhanë forcën për të luftuar në çdo top.
Faleminderit të gjithëve për atë që më keni dhënë gjatë rrugës!
Është koha për t’i dhënë lamtumirën karrierës sime.”-shkruan Basha.
Ai mori pasaportën shqiptare në vitin 2021 dhe debutimin me Kombëtaren shqiptare e bëri në fitoren historike ndaj Norvegjisë me rezultatin 0-1.
Ndërsa golin e parë të tijin me përfaqësuesen tonë Migjen Basha e shënoi në takimin me Lituaninë që u luajt në stadiumin ‘Niko Dovana’. Basha ishte pjesë e futbollistëve kuqezi që bën realitet ëndrrën e madhe, pjesëmarrjen në “Euro 2016”./K.T/Gijotina.com
