Tërhiqet nga Kombëtarja kapiteni i Gjermanisë

Kapiteni i Gjermanisë, Ilkay Gundogan, ka njoftuar tërheqjen nga Kombëtarja.

33-vjeçari e mbyll kështu karrierën ndërkombëtare me 82 ndeshje për vendin e tij.

“Pas disa javësh reflektimi. Unë kam marrë vendimin se është koha për t’i dhënë fund karrierës sime në përfaqësuesen e Gjermanisë.

Mund të shikoj prapa me shumë krenari për 82 paraqitje për Gjermaninë, një numër që nuk mund ta kisha ëndërruar kurrë kur bëra debutimin tim për ekipin kombëtar në vitin 2011. Gjermania ishte pritëse e Kampionatit Evropian të futbollit dhe si kapiten i ekipit ishte një nder i madh”, ka shkruar Gundogan.

33-vjeçari ka zhvilluar 82 ndeshje me fanellën e Gjermanisë dhe ka kontribuar me 19 gola.