Ditën e hënë do të mbahet funerali i mbretëreshës së Britanisë së Madhe, Elizabetë.
Mësohet se monarkja e ndjerë e cila u shua në moshën 96-vjecare, do të prehet pranë bashkëshortit të saj, Dukës së Edinburgut, princit Philip. Ceremonia do të jetë private, e cila do të pasojë funeralin e saj shtetëror në në Westminster Abbey, i cili fillon në orën 11:00.
Kujtojmë se trupi i pajetë i mbretëreshës ndodhej i shtrirë në sallën e Westminsterit që prej të mërkurës. Mijëra shikues qëndruan me orë të tëra në rradhë për të bërë nderimet e tyre.
Arkivoli i udhëheqëses do të ngrihet dhe do të transportohet drejt karrocës shtetërore të armëve të Marinës Mbretërore. Më pas karroca 123-vjeçare do të niset në orën 10:44.
Mjeti do të tërhiqet nga 98 marinarë të Marinës Mbretërore duke përdorur litarë në një traditë që daton që nga funerali i Mbretëreshës Viktoria, me rrugën për në Abbey të rreshtuar nga anëtarë të Marinës Mbretërore. dhe Marinsat Mbretërorë.
Ky detaj duhet thënë se ka tërhequr mjaft vëmendje, së bashku me traditën e vecantë që e shoqëron.Një gardë nderi me tre shërbime do të zhvillohet në Sheshin e Parlamentit, e shoqëruar nga banda e Marinsave Mbretërore.
Dyert e Westminster Abbey do të hapen në orën 08:00 për të lejuar një total prej 2,000 njerëzish që pritet të mblidhen për funeralin.
Discussion about this post