Dy termete njëri pas tjetrit, kanë lëkundur Veriun e Shqipërisë në orët e para të ditës së sotme. Lëkundja e parë është ndjerë orën 04.19 dhe ka qenë mjaft e fortë. Sipas Qendrës Europiane për Monitorimin e Termeteve, termeti ka qenë 4.1 ballë sipas shkallës Rihter, një thellësi 10 km dhe është ndjerë 26 km në LindjeJugLindje të Podgoricës dhe 12 km në VeriPerendim të Koplikut.
Lëkundja e dytë është ndjerë në orën 04.38 dhe ka qenë me një magnitudë më të ulët, 3.4 të shkallës Rihter. Kjo lëkundje e fortë ka shkaktuar panik te banorët të cilët kanë dalë nga banesat e tyre.
