Tërmeti i fuqishëm që goditi mbrëmjen e shkuar vendin tonë ka shkaktuar dëmtime materiale në disa qytete. Raportohet se, disa pallate janë dëmtuar si pasojë e lëkundjeve të tërmetit, që u regjistruan mbrëmjen e djeshme në vendin tonë. Lajmi është konfirmuar nga burime zyrtare të Bashkisë së Pukës, sipas së cilës edhe në Spitalin e qytetit janë shënuar plasaritje dhe rënie suvash.
Sakaq, në njoftim iu bëhet thirrje banorëve të ruajnë qetësinë dhe të telefonojnë shërbimet e urgjencës për çdo problematikë.
“Bashkia Pukë po ndërlidhet për pasojat e kësaj situate. Deri tani nuk kemi informacione për pasoja fatale, ndërkohë që janë porositur administratorët dhe kryepleqtë e fshatrave të interesohen për pasoja të mundshme pas kësaj situate. Deri tani janë konstatuar dëme tek disa pallate tek lagjja e muzeut, dhe 5 pallatet, ku sipas raportimit të banorëve ka plasaritje, ndërkoha janë të dukshme dëmtimet në oxhaqet e pallateve.
Plasaritje dhe rrënjë suvash ka dhe në spitalin e qytetit. Inkurajojmë të gjithë banorët të rimarrin veten me shpresën se nuk do kemi pas lëkundje dhe për çdo shqetësim të informojnë në numrat pa pagesë 128 ose 129”, thuhet në njoftim.
Kujtojmë se mbrëmjen e kaluar një tërmet i fortë u regjistrua mbrëmjen e djeshme në vendin tonë. Sipas EMSC, magnituda e tërmetit ishte 4.8 ballë (me epiqendër Lumëbardhën,17 km në verilindje të Pukës, thellësia 2 km. Lëkundjet e tij janë ndjerë në Pukë, Kukës dhe Shkodër. Valët e këtij tërmeti u përhapën dhe në Kosovë e Malin e Zi.
Discussion about this post