Ministri i Mbrotjes Niko Peleshi ka reaguar për tërmetin e forte, mbrëmjen e sotme që tronditi Ballkanin dhe Shqipërinë.
Ai shprehet se nga të dhënat paraprake nuk raportohet për dëme materiale dhe të lënduar.
“Të dhënat paraprake nga IGJEUM, konfirmojnë një tërmet të fortë me epiqendër 10 km në Jug- Perëndim të qytetit Monstar, Bosnje Hercegovinë, me Magnitudë 5.7, Thlësia 10 km, 202 km nga Tirana. Ky tërmet është ndjerë pothuajse në të gjithë vendin por deri në këtë moment nuk raportohet për të lënduar apo dëme. Ndërkohë të gjitha strukturat e mbrojtjes civile janë në monitorim të situatës në të gjithë vendin“, shprehet Peleshi.
Tërmeti goditi në një thellësi të cekët prej 10 km nën epiqendrën afër Sarajevës, Bosnje dhe Hercegovinës, natën vonë të premten, 22 prill 2022, në orën 23:07 me orën lokale. Magnituda e saktë, epiqendra dhe thellësia e tërmetit mund të rishikohen brenda orëve ose minutave të ardhshme pasi sizmologët shqyrtojnë të dhënat dhe përsosin llogaritjet e tyre ndërsa agjencitë e tjera lëshojnë raportin e tyre.
Discussion about this post