Tërmet i fuqishëm në Greqi, lëkundjet ndihen dhe në Turqi

Një tërmet me magnitudë 4.9 ballë të shkallës Rihter ka ndodhur në orën 03:52 të mëngjesit të së shtunës në Lesvos të Greqisë. Epiqendra e tërmetit ishte 2 km në veri-veriperëndim të Mandamados ndërsa thellësia e tërmetit vlerësohet të ketë qenë 10 kilometra, raportojnë mediat greke.

Lëkundjet janë ndjerë si në Kios ashtu edhe në Izmir të Turqisë, ndërsa fatmirësisht deri më tani nuk raportohet për dëme apo të lënduar.

Disa minuta më vonë pas tërmetit është regjistruar një pasgoditje me magnitudë 3.3 në lindje-verilindje të Mandamados në Lesbos.