Bashkisë Tepelenë i është shkaktuar tërmet financiar nga Tërmet Peçi, të cilit si kryebashkiak i dëgjohet emri vetëm nëpër afera dhe asnjëherë në favor të qytetarëve. Vini re sa naftë po blen për makinat e stafit të bashkisë.
Bëhet fjalë për tenderin me objekt “Blerje Karburanti për nevoja të Bashkisë Tepelenë 2024”, i cili është mbyllur ditën e djeshme.
Gara për këtë tender u shpall më 17 janar 2024 dhe afati për dorëzimin e ofertave ka qenë deri më datë 2 shkurt 2024, por në dokument duket që vetëm firma ‘O L S I” shpk ka paraqitur një propozim.
Sipas rregullit në ligjin ‘Për Prokurimet Publike’ ky tender duhej anuluar automatikisht për të marrë oferta konkurruese dhe të përshtatshme.
Epo në fakt qëllimi i Peçit nuk është të kursejë paratë e taksapaguesve të Tepelenës, por të xhirojë paratë të në llogarinë e kompanisë së paracaktuar prej tij. Kështu, kompania e Behar Çukajt merr 125 milionë lekë nga bashkia Tepelenë për furnizim me karburant.
Prandaj në shohim e Open Data Albania e ka vlerësuar me ‘Flamurin e Kuq’ këtë prokurim për ‘Mungesë konkurrence’. Kjo është një shenjë e riskut për korrupsion. Gjithashtu shohim më poshtë se oferta e ‘O L S I’ shpk është në vlerën 146 milionë lekë, pra sa 94% e fondit limit, fakt që përbën një tjetër shkelje.
E njëjta firmë ka firmosur çdo vit kontratën me bashkinë Tepelenë për furnizim me naftë dhe në çdo vit përfiton tenderin pa u përballur fare me konkurrentë të tjerë. Pra, Tërmet Peçi e paska klient të përhershëm Behar Çukajn.
Çukaj gjithashtu drejton edhe firmën “Bolv Oil”, të cilën e ka futur në tregun e karburanteve dhe përfiton fonde të mëdha.
Gjithashtu, Çukaj ka themeluar në vitin 2014 edhe Fondacioni “Çukaj”, me qëllimin për t’i ardhur në ndihmë të gjitha familjeve dhe individëve në nevojë, përfshirë këtu familjet me persona të paaftë për punë, familjet me anëtarë me sëmundje të rëndë, familjeve që nuk sigurojë dot minimumin jetik të jetesës, familjeve me fëmijë që nuk kanë mundësi të shkollohen dhe ti krijojnë atyre kushtet bazë për shkollim me qëllim që të ulë nivelin e varfërisë në Shqipëri.
Por, më fakt pikërisht nga këto familje Çukaj me shokë pasurohen, sepse hyn pa garë në tenderë për prokurime të paguara me taksat e qytetarëve të varfër.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post