Greqia është tronditur herë pas herë nga tërmetet, duke shkaktuar kaos dhe panik tek qytetarët. Si pasojë e dëmeve nga goditja e tërmetit që u regjistrua ditën e sotme, Greqia ka shpallur gjendjen e jashtëzakonshme në tri komunat e Follorinës. Gjendja e jashtëzakonshme do të jetë e vlefshme nga data e tërmetit deri në gjashtë muaj, pra deri më 11 korrik 2022.
Bashkitë Follorinë, Amyntaio dhe Prespë të Njësisë Rajonale Follorinë janë shpallur së fundmi gjendje të jashtëzakonshme, pas një vendimi të Sekretarit të Përgjithshëm të Mbrojtjes Civile, Vassilios Papageorgiou. Gjendja e jashtëzakonshme u shpall pas kërkesës nga kryetarët e këtyre tre zonave, për adresimin e emergjencave në menaxhimin e problemeve të lindura nga tërmeti i 9 janarit 2022.
Discussion about this post