Ambasadori shqiptar në Turqi, Kastriot Robo, pohoi se deri më tani nuk raportohet për shqiptarë në mesin e viktimave si pasojë e një tërmeti të fuqishëm që godit këtë vend. Robo tha se nga komunikimet e tij në terren, nuk raportohet që të ketë shqiptarë të prekur. Po ashtu, ai bëri apel për të gjithë shqiptarët se nëse kanë nëvojë për ndihmë të adresohen pranë Ambasadës së Shqipërisë, duke vënë në dispozicion edhe numrat e telefonit.
“Fatmirësisht në zonën e Ankarasë nuk u ndje. Ne, stafi i ambasadës, i Konsullatës shqiptare jemi mirë dhe të sigurt. Ishte tërmet shkatërrues, përveç fuqisë së madhe, zgjati shumë në kohë. Kam komunikuar menjëherë pasi ndodhi tërmeti, me shtetas turq, me kombësi shqiptare. Fatmirësisht nuk ka humbje njerëzit për komunitetin shqiptar që jeton në ato zona. Prezenca e shqiptarëve në ato zona është e limituar, krahasuar me zona të tjera. Kemi komunikim permanent. Nuk rezulton se ka problem deri tani.”, tha ambasadori shqiptar.
Për raste emergjente nga zonat e prekura nga tërmeti në Turqi, qytetarët shqiptarë me banim atje mund të kontaktojnë në numrat emergjentë:
Ambasada e Republikës së Shqipërisë Ankara: +90 549 5611985
Konsullata e Republikës së Shqipërisë Stamboll: +90 539 6566219.
Discussion about this post