Ministrja e Energjisë dhe Infrastrukturës Belinda Balluku ishte sot në zonën e Klosit ku ishte epiqendra e tërmetit. Ajo tha se do të bëhen gjitha verifikimet e shtëpive që janë dëmtuar brenda 24 orëve.
”Të gjitha banesat kanë dëmtime të lehta. Nuk kemi pasur lëndime të qytetarëve. Por për shkak të amortizimit të këtyre banesave, janë ndërtuar shumë vite më parë.
Duhet pasur kujdes. Duhet të ketë ndërhyrje nga bashkitë si psh te pallatet në Bulqizë që janë konstatuar të pabanueshme. Në këto pallate janë 12 familje.
Familjet do të evakuohen. Çdo dosje është e shoqëruar me foto. Ne do i mbyllim verifikimet të gjitha për 24 orë për të mos lejuar abuzime” tha ajo.
Një qytetar i irrituar i kërkoi zgjidhje pasi ka tre vite që priste dhe shteti nuk i kishte dhënë zgjidhje.
“Zonja ministre, ju lutem, nuk mund të presim më. Kjo shkolla ka tre vite. Prefektit i kam shkuar tre herë, nuk na ka dhënë zgjidhje” i tha ai ministres, por Balluku ia ktheu “Ja ku e ke prefektin.
Hajde këtu dhe flasim, çfarë problemi ke?”. Problemi i qytetarit lidhej me shqetësimin për gjendjen e shkollës së zonës.
/5pyetjet.al
https://youtu.be/BWSJRkMOK1U
Discussion about this post