Tërmeti i fuqishëm që goditi mbrëmjen e djeshme Bosnjen dhe Hercegovinën ka shënuar një viktimë. Bëhet fjalë për një 28-vjeçare, e cila banonte në Stolaci dhe në shtëpinë e saj ra një gur, si pasojë e lëkundjeve të forta.
Mediat boshnjake raportojnë se ajo u transportuar në spital me plagë të renda dhe pavarësisht përpjekjeve të mjekut dhe reanimacionit të gjatë, humbi jetën.
Kujtojme se tërmeti me magnitudë 5.7 ballë që tronditi gjithë Ballkanin, goditi edhe Shqipërinë por nuk shkaktoi asnjë pasojë. Në Tiranë, policia thotë se në sallën operative deri tani nuk pati asnjë raportim për ndonjë problem të shkaktuar nga tërmeti. Po ashtu nga strukturat e Mbrojtjes Civile të pesë bashkive të Qarkut Tiranë bëhet e ditur se nuk ka të dhëna për dëme.
Discussion about this post